thehmonghawj

========================================
Hmoob sib hlub, ces peb yuav nyob ci yam lub hnub.

Hmoob sib zam, ces peb yuav muaj huaj muaj vam.

Hmoob sib pab, ces peb yuav ua neej tsis poob qab.

Hmoob ras haiv, ces Hmoob yeej yuav muaj tebchaws li luag lwm haiv.
========================================
NCO NTSOOV HLUB HMOOB, PEB THIAJ TAU LUB NEEJ ZOO.  

NCO NTSOOV PAB HMOOB, PEB THIAJ NYOB MUAJ KOOB. 

 NCO NTSOOV FWM HMOOB COV THAWJ, PEB THIAJ KOOM TAU UA IB PAB IB PAWG.  

NCO NTSOOV TIAS PEB YOG HMOOB, PEB THIAJ TSIS TXAWJ TU NOOB.
========================================

3 YAM UAS HMOOB YUAV TSUM HLOOV

1. HMOOB yuav tsum siv ib txog kev cai dabqhuas lawm xwb, peb HMOOB thiaj li yuav caij taus ua ib haiv neeg.  Peb tej txheej-txheem ntawm kev cai dabqhuas los yuav tau muab kho, yam tsis zoo muab tshem tawm, yam zoo muab sau cai rau ib phau ntawv.  Peb Hmoob yuav tsum muaj  lub tsev teev ntuj rau Hmoob, tsis yog nyias ua nyias tom vaj tom tsev lawm.

2. HMOOB yuav tsum noj lub tsiab pebcaug rau tib lub caij xwb, tsis hais nyob rau lub tebchaws twg.  Hmoob yuav tsum muaj txhua yam lajtxheej li luag lwm haiv.

3. Yog HMOOB muaj tub yuav nyab, ntxhais yuav txiv peb yuav tsum tsis txhob sau nyiaj ntxiv lawm, vim niam thiab txiv tog twg los nyias yeej khwv khwv nyias tu me tub me nyuam ib yam.  Kev tshoob-kos los yuav tau muab kho kom zoo mus raws li luag teb luag chaw.  Qhov twg zoo, yoojyim, thiab tsis muaj teebmeem yuav qhov ntawv xwb, tsis yog tias txawv koj yog hmoob no, hmoob tov ces peb nyias muaj nyias.  

HMOOB... YOG PEB XAV CIAJ HAIV, PEB UA DABTSI YUAV TSUM YOG UA IB YAM, IB QHOV, IB TXOG, IB NQAG, THIAB KOOM IB LUB SIAB PEB THIAJ LI YUAV KHOV LI ZEB RUAJ LI HLAU.