Pitambar Bhattarai

तीनतलेको आधिकारिक यूट्यूब च्यानलमा स्वागत छ।

नेपालको गण्डकी प्रदेशको स्याङ्जा जिल्लाको सदरमुकाम पुतलीबजारबाट ४० किलोमीटर दक्षिण पूर्वमा पर्ने चापाकोट नगरपालिकाको वडा नं. ६, भट्टराईडाँडामा तीनतले पर्दछ । 

स्व. लिलानाथ भट्टराई, मोहमीको "हटियामाथि"मा बसोबास गर्दथे । हटियामाथिको घर, मोहमीको हटिया लाग्ने स्थान भन्दा माथि थियो । परापूर्वकालमा मानिसहरूबीच हटियामा लेनदेन प्रथा चल्दथ्यो ।

स्व. ऋषिकुमारीका, अनुसार सन् १९४५ मा दुई छोरी लिएर हटियामाथि जेठाका परिवार भट्टराईडाँडामा आएका थिए । भट्टराईडाँडाको अन्तिममा रहेको भिरालेमा उनीहरूले सानो घर बनाए । त्यसैले सुरूमा यिनीहरूलाई पुच्छरघरे भनेर चिनिन्थ्यो । पछि, माझघरेबाट जग्गा किनेर भट्टराईडाँडाको बीचमा आएका थिए । जहाँ भट्टराई परिवारका ३० भन्दा बढी घर थिए । 

भट्टराईडाँडामा सन् १९५८ मा तीनतले घर बनाउने पहिलो व्यक्ति लीलानाथ भएकाले उक्त परिवारलाई तीनतले भनिन्छ । त्योबेला उक्त स्थानमा तीनतले घर कसैले पनि बनाएका थिएनन् ।