Għaqda tal-Malti Università

L-Għaqda tal-Malti -- Università twaqqfet fis-26 ta' Jannar 1931 minn Rużar Briffa u Ġużè Bonnici, żewġ studenti tal-Mediċina. Fl-istess sena bdew joħorġu 'Leħen il-Malti,' rivista li għadha toħroġ sal-lum. Matul is-snin mexxew l-Għaqda l-Professuri Pietru Pawl Saydon, Ġużè Aquilina, Dun Karm Sant u Oliver Friggieri.

Fl-1988, b'inizjattiva tal-Prof. Friggieri, it-tmexxija għaddiet f'idejn l-istudenti, bl-ewwel president ikun George Said. Matul is-snin l-Għaqda ħadet ħsieb tellgħet diversi konferenzi, waqqfet il-mafkar lill-Poeta Nazzjonali fil-Furjana, u organizzat korsijiet speċjalizzati u tnedijiet ta' kotba.

F'dawn l-aħħar xhur sar investiment fi proġetti edukattivi u interdixxiplinarji, filwaqt li ssaħħew ir-relazzjonijiet tajbin tal-Għaqda ma' entitajiet oħra. Fl-2013, l-Għaqda ngħatat il-Premju tal-President għall-Kreattività, u llum tgħodd 'il fuq minn 300 membru, bi prospetti sbieħ għall-futur.