asturiescom

Asturies.com ye'l mediu de comunicación asturianu on-line más veteranu, espublizándose de forma ininterrumpida dende 1997.

Auténticu buque insignia de la llingua asturiana na rede, nació oficialmente el 3 de febreru de 1997, anque delles de les sos secciones, taben yá actives dende l'añu 1996, cuando nun existíen siquiera les ediciones dixitales de los medios de comunicación escritos más importantes d'Asturies.

Si nos primeros años Asturies.com foi una importante vía de conexón colos asturianos de la diáspora y la referencia asturiana na rede, anguaño ye un mediu vital y consolidáu, referencia pa conocer la realidá cultural, social y política d'Asturies dende un enfoque asturianista. Les sos secciones temátiques como "A la gueta" (infantil) o Espaciu y Tiempu (llingua asturiana) son yá clásicos na rede asturiana.