Sulakauri

„სულაკაური" ერთ-ერთი პირველი დამოუკიდებელი ქართული გამომცემლობაა, რომელიც 1999 წელს დაფუძნდა და დღემდე ინარჩუნებს ლიდერის სტატუსს ქართულ საგამომცემლო ბაზარზე. თავისი არსებობის განმავლობაში „სულაკაურმა" ბევრი საინტერესო და მნიშვნელოვანი საგამომცემლო პროექტი განახორციელა, დანერგა არაერთი ტექნოლოგიური ინოვაცია, გამოსცა როგორც ქართველ, ისე უცხოელ ავტორთა მრავალი ნაწარმოები. მაგრამ მთავარი, რითაც გამომცემლობის გუნდი ამაყობს – მის მიერ გამოცემული წიგნების მაღალი ხარისხია.

„სულაკაურს" მკვეთრად ჩამოყალიბებული საგამომცემლო პრიორიტეტები აქვს, კერძოდ: საბავშვო და საყმაწვილო ლიტერატურა, თანამედროვე და კლასიკური პროზა, საგანმანათლებლო და შემეცნებითი ლიტერატურა. ჩვენ მიერ გამოცემული წიგნების შესახებ დეტალური ინფორმაციის ნახვა და მათი შეძენა შესაძლებელია როგორც ჩვენს ვებგვერდზე www.sulakauri.ge, ასევე ჩვენს ბრენდულ მაღაზიებში.