Ardi Baltzak Bilbo

Ardi Baltzak Bilboko Udaleko Gazteria eta Kirol Sailak bultzatutako talentu lehiaketa da, 9-17 urte bitarteko Bilboko gazteen sormena sustatzea helburu duena

Euskararen aldeko jarrera eta erabilera sustatzea da egitasmo honen egiteko nagusia. Euskararen normalizazio prozesuan, kultur jarduerek duten garrantzia uka ezina da, eta euskararen erabilera sustatzearren, erabilpen askeko esparruetan euskarazko eskaintza zabaltzea ezinbestekoa da. Hori dela eta, erakargarria eta berritzailea den euskarazko eskaintza kulturala eskaintzea da egitasmo honen helburu nagusietakoa.