Te Ipukarea

E ngā mana, e nga reo, e ngā karangatanga maha o tō tātou whenua taurikura, o Aotearoa nei, tēnā koutou katoa.
Nau mai, piki mai ki te hōngere Tiriata o Te Ipukarea i whakaritea hei waka huia mō ngā taonga ataata kua waihanga e mātou i roto i ngā tau maha kua taha ake nei. 

Katoa ngā ataata i hua ake i ngā kaupapa rangahau o Te Ipukarea, ā, ko te ito o ērā rangahau ko te reo Māori. Ko ngā reo katoa kua kapohia ki ēnei ataata i puta i ngā koroheke, i ngā rūruhi, i ngā mātanga, i ngā tohunga anō hoki o te ao Māori. Waihoki, ko ētehi o ngā ataata i waihangatia hei pūrongo, hei whakamārama i ngā hua o ā mātou rangahau, kia mārama ai ki te katoa. 

Nō reira, pāwhiritia te pātene 'Subscribe' kia whiria koe ki ēnei taonga tuku iho.