JP HS Zletovica - Probishtip

Хидросистемот “Злетовица” е повеќенаменски водостопански систем и се наоѓа во североисточниот дел на Република Македонија, со кој се овозможи целосно користење на водниот потенцијал на река Злетовица.
Со Хидросистемот  се обезбеди  вода за пиење на преку 100.000 жители во населените места Пробиштип, Кратово, Злетово, Штип, Карбинци, Свети Николе и Лозово, потоа наводнување на 3.500 ха земјоделски површини во атарот на Пробиштип и хидроенерегетско користење на расположивиот воден потенцијал за производство на околу 49.5 милиони kWh годишно, како и заштита од поплави и обезбедување на биолошки минимум.
Основна намена на ХС “Злетовица” е обезбедување со вода за пиење на над 100.000 жители во регионот и за таа цел се изградени зафати и доводни цевководи за водоснабдување во должина од 100km  до општините  Пробиштип, Штип, Свети Николе, Лозово и Карбинци.