Orienda International Hospital

មន្ទីរពហុព្យាបាល និងសម្ភព អរៀនដា គឺជាស្ថាបនសុខាភិបាលឯកជនដែលផ្តល់សេវាកម្មវេជ្ជសាស្រ្តឈានមុខគេនៅក្នុងព្រះរាជាណាចក្រកម្ពុជា។ មន្ទីរពហុព្យាបាលយើងខ្ញុំផ្តល់ការពិគ្រោះ និងព្យាបាលទៅលើផ្នែកជាច្រើនដូចជា ផ្នែកជំងឺលំបាកមានកូន សម្ភព រោគស្រ្តី ជំងឺបេះដូង ជំងឺកុមារ ជំងឺទូទៅ និងសង្រ្គោះបន្ទាន់ ដែលរាល់សេវាកម្មទាំងអស់ត្រូវបានបង្កើតឡើងដើម្បីឆ្លើយតបទៅនឹងតម្រូវការរបស់អ្នកជំងឺនាពេលបច្ចុប្បន្ន។ មន្ទីរពហុព្យាបាល អរៀនដា មានវេជ្ជបណ្ឌិតល្បីៗដែលកំពុងបម្រើការក្នុងស្ថាបនជាតិ និងអន្តរជាតិដែលមានជំនាញឯកទេស និងបទពិសោធន៍ជាច្រើនឆ្នាំរួមផ្សំជាមួយបរិក្ខារវេជ្ជសាស្រ្តទំនើបៗ បន្ទប់ពិសោធន៍ សាលវះកាត់ បន្ទប់សំរាល និងបន្ទប់សំរាកត្រូវបានរៀបចំដោយវិស្វករវេជ្ជសាស្រ្តបរទេសដើម្បីផ្ដល់បាននូវផាសុកភាព និងគុណភាពនៃការព្យាបាលកម្រិតស្តង់ដារអន្តរជាតិ។ ប្រសិទ្ធភាពព្យាបាល និងសេវាកម្មដែលត្រូវផ្ដល់ជូនអ្នកជំងឺ គឺជាការងារចាំបាច់បំផុតសម្រាប់មន្ទីរពហុព្យាបាល និងសម្ភព អរៀនដា យើងខ្ញុំ។