SufiRoots (اسد علی کیفی)

میلادِ محمدﷺ پہ ساری کائنات سجائی جاتی ہے
یہ عید وہ عید ہے جو دونوں عالم میں منائی جاتی ہے

جب ذکرِ پیمبرﷺ ہوتا ہے اس ماہِ ربیع الاول میں
لگتا ہے تلاوت قرآن کی اردو میں سنائی جاتی ہے

اس عید کے صدقے خالق کی خَلقت پہ عنایت ہوتی ہے
بگڑی بھی بنائی جاتی ہے رحمت بھی لُٹائی جاتی ہے

گھر اپنے تو میلاد سجا عیدوں کی طرح یہ عید منا
پھر دیکھ تیرے گھر پہ کیسی رحمت برسائی جاتی ہے

آقاﷺ کو صدائیں دیتا ہوں تم جلتے ہو کیوں یہ فطرت ہے
مشکل سَر آئے تو اپنوں کو آواز لگائی جاتی ہے

مختارِ کُل ہیں میرے نبی ہاں ختمِ رُسُّل ہیں میرے نبیﷺ
یہ بات مسلماں کو کیفیٓ گُھٹی میں پلائی جاتی ہے

ازقلم: اسد علی کیفٓی