樂羔LetGo

1）我地係邊個？
我地係澳洲雪梨嘅一個青年團契，主要由一班香港移民或移民下一代組成；屬於華人長老會寳活堂，活躍範圍：雪梨Inner West...

2）我地有咩特別？
係呢度我地可以無大無細（包括盡情欺凌某鄭姓傳道人......講笑姐，唔係當真呀？），只係爲求突破信仰嘅一啲框框同盲點，用真心唔扮野嘅態度，學下點樣係日常生活裏面落實我地真心信嘅野。

3）點解叫樂羔LetGo
聼住啦！好有型架！
我們是快樂的小羔羊，我們天天一起唱歌...
Ahem...認真啲！一黎食字Lego，我地好多人由細到大都玩住Lego大，集體回憶嘛！二黎，其實據我地臨床實驗，信仰好多時都係講你可以Let Go啲乜，多過你可以得到啲乜，呢啲都係呢個信仰嘅智慧（好似係）；最後，如果大家可以同心，我地就成爲衆數；咁衆數係要加“s“架嘛！咪變成Let's Go咯！係咪好有型呢？Let us go then you and I!

4）我地傳道人嘅格言
得就得，唔得就算啦！
（係，我地個傳道人係懶係effortless嘅......不過我地懷疑傳道人只不過係渣流灘......）

5）點聯絡我地？
可以Email我地：joshua.cpcb@gmail.com
或者睇下我地個網頁先啦！www.cpcb.org.au
就咁，如果你有興趣參加我地，我地唔會興奮到訓唔著架！（傲嬌形態）