Escépticos no Pub Compostela

Santiago foi a segunda cidade de España na que se introduciron as charlas de Escépticos no Pub. Comezou en 2010 e asistiron grandes divulgadores e científicos entre os que se atopan os biólogos J.M. Mulet, Juan Ignacio Pérez, Carlos Briones ou Xurxo Mariño, a matemática Clara Grima, o médico Ángel Carracedo, a química Déborah García Bello, o filósofo Jesús Zamora Bonilla, ou a psicóloga e sexóloga Laura Morán. Ao longo destes anos impartíronse 74 charlas, e temos máis en preparación. Pódesnos ver en vivo en Santiago, o derradeiro venres de cada mes, ou nesta canle de YouTube.