Axencia Local de Colocación - Santiago de Compostela

A Axencia Local de Colocación, está autorizada desde xuño de 2012 como axencia de colocación polo Servizo Público de Emprego Estatal co nº 1200000008, centrando a súa actividade na xestión de servizos e programas de emprego. Integrada na Área de Emprego do Concello de Santiago de Compostela, ten como misión apoiar a dinamización do mercado de traballo local, promocionando as oportunidades de emprego e mellorando as capacidades dos/as traballadores/as.

O principal obxectivo da Axencia Local de Colocación é favorecer a inserción laboral das persoas mediante diversas actividades e servizos que inclúen: prospección do mercado, orientación laboral, formación, intermediación laboral, xestión de ofertas e recrutamento.