St.Michael's Church, Puthukurichy

പുതുക്കുറിച്ചി ഇടവക സ്ഥാപിച്ചത് 1548. കൊല്ലം ബിഷപ്പായിരുന്ന റൈറ്റ് റവ. ഡോ. എ. എം. ബെൻസിഗർ 1925 ലാണ് ദൈവാലയം സ്ഥാപിച്ചത്. അന്നത്തെ ഇടവക വികാരി റവ. ഫാ. സി. ഫൊൻസേക ആയിരുന്നു. അതിനുമുൻപ് ഒറ്റപ്പന പ്രദേശത്തും ചേരമാൻതുരുത്തിലും ഇപ്പോൾ കൊൺവെൻറ് സ്ഥിതി ചെയ്യുന്നിടത്തുമെല്ലാം ആരാധനാലയങ്ങൾ ഉണ്ടായിരുന്നു. പതിനേഴാം നൂറ്റാണ്ടിൽ പോർച്ചുഗീസുകാർ കടൽ യാത്രയ്ക്കിടയിൽ അപകടത്തിൽപ്പെട്ടു. രൂപങ്ങൾ കൊത്തിയുണ്ടാക്കുന്ന മിക്കലാക്കീസ് എന്ന ശിൽപി എവിടെയാണ് കാറ്റും കോളും ശമിക്കുന്നത് അവിടെ അപ്പോൾ പൂർത്തിയായ വിശുദ്ധ മിഖായേൽ മാലാഖയുടെ ശിൽപം കാഴ്ച വെയ്ക്കാമെന്ന് നേർന്നു. പുതുക്കുറിച്ചി കടൽ ദേശത്ത് സുരക്ഷിതമായി എത്തിയതിനാൽ ഇടവകയ്ക്ക് വിശുദ്ധ മിഖായേലിൻറ ശിൽപം 1668 സെപ്ത്ംബർ 29 ന് സ്ഥാപിച്ചു.