Yerawati Adarsha Multiple Campus

त्रिभुवन विश्वविद्यालयका आङ्गिक क्याम्पस र सम्बन्धनप्राप्त निजीस्तरबाट सञ्चालित क्याम्पसले मात्र समग्र उच्च शिक्षालाई समेट्न नसकेको सन्दर्भमा यस क्षेत्रका गरीब, विपन्न र मध्यम वर्गीय विद्यार्थीहरु उच्च शिक्षाका लागि जिल्ला सदरमुकाम वा केन्द्रीय राजधानी जानुपर्ने बाध्यात्मक अवस्थालाई अन्त्य गर्न यस क्षेत्रका समाजसेवी, शिक्षाप्रेमी, बुद्धिजीवी, राजनीतिकर्मी, व्यापारी, किसान आदिको संयुक्त प्रयत्नबाट वि.सं. २०६५ सालमा ऐरावती आदर्श बहुमुखी क्याम्पस राप्ती गाउँपालिका–२ लालमटिया, देउखुरी, दाङमा स्थापना गरिएको हो । यसले त्रिभुवन विश्वविद्यालयबाट सम्बन्धन प्राप्त गरी स्नातक तहमा शिक्षा र व्यवस्थापन तथा स्नातकोत्तर तहमा शिक्षाशास्त्र सङ्कायका कक्षाहरु सञ्चालन गर्दै आएको छ । स्नातक तह शिक्षाशास्त्र सङ्काय तर्फ नेपाली, अङ्ग्रेजी र स्वास्थ्य तथा शारीरिक शिक्षा विषय र व्यवस्थापन सङ्काय (बि.बि.एस) तर्फ लेखाशास्त्र, बजारशास्त्र र वित्तशास्त्र विषय र स्नातकोत्तर तह शिक्षाशास्त्र सङ्काय (एम.एड.) तर्फ नेपाली र अङ्ग्रेजी विषय अध्यापन हुँदै आएको छ । यस क्याम्पसमा ८१६ जना विद्यार्थीहरु अध्ययनरत रहेका छन् ।