Yehiwotemizan

የሕይወቴ ሚዛን
ተፈጥሯዊ አኗኗር ፣ እናትነት ፣ እውነት እና ጤንነት 🇪🇹
እራሴን ትንሽ ላስተዋውቃችሁ፤ ስሜ ሕይወቴ ይባላል የድህረ ምረቃ ትምህርቴን በህዝብ ጤና ላይ የጨረስኩ ሲሆን የመመረቂያ ጸሁፌን እና ያደረኳቸው ግላዊ ጥናቶች በአካባቢያችን ያሉ እንደምንተነፍሰው አየር፣ የምንጠጣው ውሃ ፣ የምንበላው ምግብ እንዲሁም  እለትተለት የምንጠቀምባቸው ምርቶች ጤናችን ላይ ያላቸው ተፅዕኖ ላይ ያተኮሩ ናቸው:: በተጨማሪም በጣም ለምወዳት ልጄ ሚዛን እናት ነኝ::  የገፄንም መጠሪያ የሕይወቴ ሚዛን ያልኩት በዚሁ ምክንያት ነው :: እንደእናት የልጄ ወይም የሁላችንንም ልጆች ጤና ላይ ተፅዕኖ የሚያደርጉ በአካባቢያችን ያሉ ነገሮችና እለትተለት  የምንጠቀማቸው ምርቶች  በጣም የሚያሳሰበኝ ጉዳይ ነው:: በዚህ ገፅ ላይ ተፈጥሮኣዊ እና መርዛማ ያልሆነ አኗኗር ዘዴዎችን አንዲሁም ተፈጥሮን እንዴት አንደመድሃኒትነት በመጠቀም የቤተሰባችንን እና የአካባቢያችንን ጤና መጠብቅ እንደምንችል አካፍላችኋለሁ:: በተጨማሪም አዳዲስ ተፈጥሮና ጤና ላይ ያተኮሩ ጥናቶችን እና ገኝቶችን እንዲሁም ጠቃሚና አስተማሪ ናቸው ያልኳቸውን ነገሮች አጋራችኋለሁ::  ሰለነዚህ ነገሮች  የማወቅ ፈላጎት እና ጉጉት ካላችሁ ወደተክክለኛው ቦታ መጥታችኋል :: አብረን ጤናችንን እንጠብቅ!! :)