წყალმომხმარებელთა ორგანიზაციები • წმო

საჭირო რაოდენობის წყალი საჭირო დროს!

საირიგაციო სექტორის ეფექტური ფუნქციონირებისთვის მნიშვნელოვანია, რომ ფერმერები აქტიურად იყვნენ ჩართულნი სარწყავი წყლის მართვის პროცესში. ამისათვის საჭიროა, ფერმერები გაერთიანებულნი იყვნენ შესაბამისი ფუნქციებისა და უფლებამოსილების მქონე ორგანიზაციებში. 

2019 წელს, ძალაში შევიდა კანონი წყალმომხმარებელთა ორგანიზაციების შესახებ. კანონის საფუძველზე, საგარეჯოს მუნიციპალიტეტში, ფერმერთა მონაწილეობით, პირველი წყალმომხმარებელთა ორგანიზაციების (წმო) ფორმირება მიმდინარეობს.

წმო წევრობაზე დაფუძნებული საჯარო სამართლის იურიდიული პირია, რომელიც საქართველოს გარემოს დაცვისა და სოფლის მეურნეობის სამინისტროს მიერ იქმნება, რათა მომსახურების განსაზღვრულ ტერიტორიაზე საირიგაციო წყლის მიწოდება, აგრეთვე, საირიგაციო ინფრასტრუქტურის მოვლა-შენახვა და ექსპლოატაცია უზრუნველყოს.

წყალმომხმარებელთა გაერთიანებები წარმატებით ფუნქციონირებს მსოფლიოს მრავალ ქვეყანაში და წარმოადგენს სარწყავი წყლის მართვის სისტემაში ფერმერების ჩართულობის ოპტიმალურ ფორმას.