वस्तुसिद्धिः विचारेण

॥ जय श्रीराम॥

श्लोकार्द्धेन प्रवक्ष्यामि यदुक्तं ग्रन्थकोटिभिः।
ब्रह्म सत्यं जगन्मिथ्या जीवो ब्रह्मैव नापरः॥

अर्थात जो सिद्धान्त विस्ताराने अनेक ग्रंथाच्या द्वारा मांडल्या गेला -
- एकमात्र ब्रह्म सत्य आहे
- नाम रूपात्मक हे जगत मिथ्या आहे
- हा जीव ब्रह्मच आहे त्यात भेद नाही

या तथ्यांवर संपूर्ण अद्वैत वेदांतदर्शन आधारित आहे.

हे पारमार्थिक सत्य अनुभवण्याचा उपाय, श्रीमदाद्य शंकराचार्य विवेकचूडामणीमध्ये सांगतात - 
वस्तुसिद्धिर्विचारेण न किञ्चित्कर्मकोटिभिः ॥११॥

परमार्थात 'वस्तू' म्हणजे ब्रह्म व त्याची सिद्धी म्हणजे आत्मज्ञानप्राप्ती. ती केवळ विचारानेच (विवेकयुक्त) प्राप्त होते असे प्रस्तुत श्लोकात नि:संदिग्धरित्या आचार्य उपदेशितात.

तोच शुद्ध व निखळ विचार, सद्गुरू प.पू. डॉ. श्रीकृष्ण दत्तात्रेय देशमुख यांच्या संकल्पाने आपल्यापर्यंत पोहचविण्याचा एक अल्पसा प्रयत्न म्हणजे -

वस्तुसिद्धिः हे व्यासपीठ (YouTube Channel)

श्रीरामनवमी २०२३ या शुभमुहूर्तावर आरंभ होणारे हे कार्य, प्रभू श्रीरामचंद्रांच्या तसेच ईश्वररुप सद्गुरूंच्या चरणी समर्पित!!

॥ जय जय रघुवीर समर्थ ॥
🙏🙏🙏