8 nömrəli Uşaq-Gənclər İnkişaf Mərkəzi  PHŞ

Azərbaycan Respublikası Elm və Təhsil Nazirliyi "8 nömrəli Uşaq-Gənclər İnkişaf Mərkəzi" publik hüquqi şəxsi məkkəbdənkənar müəssisə olaraq təhsil sisteminin tərkib hissəsi olub uşaqların, yeniyetmələrin, gənclərin mənəvi və fiziki inkişafını, onların müxtəlif yaradıcılıq tələbatını təmin etmək üçün təsis edilib. Əsas vəzifəmiz uşaq, yeniyetmə və gənclərin maraq, meyl və bacarıqlarının, intellektual səviyyəsi və yaradıcılıq qabiliyyətinin inkişafı üçün əlverişli şəraitin yaradılması, onların istirahətlərinin, asudə vaxtlarının, əyləncələrinin mənalı təşkilidir.
Müəssisə öz fəaliyyətini Təhsil Qanununa, digər qanunvericilik və normativ aktlara, habelə bu Əsasnaməyə müvafiq həyata keçirir.
Mərkəzdə "Bacarıqlı əllər","Texniki estetika", Məktəb teatrı", "İnformatika", Musiqisevərlər","Rəqs", Rus dilini sevənlər", "Məntiqi riyaziyyat","İngilis dilini sevənlər", "Toxuma əl işləri", "Bədii qiraət", "Azərbaycan dili", "Əyləncəli fizika","Təsviri incəsənət" və s. dərnəkləri fəaliyyət göstərir.