Турған Тохтәм – Язғучиниң шәхсий сайтти

Уйғур хәлқиниң көрнәклик язғучиси Турған Тохтәмов 1940-жили 19 июньда Қазахстанниң Алмута вилайитиниң Яркәнт наһийәси Садир йезисида туғулған. У 1959 жили Яркәнт шәһиридики он жиллиқ уйғур мәктивини тамамлиғандин кейин Алмута шәһиридики Абай намидики педагогика институтиниң география факультетиға оқушқа чүшкән. Атисидин Улуқ Вәтән уруши жиллири кичик айрилған язғучи институтта сирттин оқуп жүрүп, газетта корректор, төмүр йолда проводник вә мәктәптә муәллим болуп һаятниң чоң қайнимидин өткән. Һәрбий хизмәттә болған. У көп жил Яркәнт шәһиридә уйғур тилида нәшир қилинидиған «Йеңилиқ авази» намлиқ гезиттә хизмәт қилған. 1973-жилдин 1979-жилғичә Алмутида уйғур тилида чиқидиған  «Коммунизм туғи» һазирқи «Уйғур авази» гезиттиниң ижтимайий-сәясий бөлүмини башқурған. 1979 жилдин тартип та һаятиниң ахириғичә «Язғучи» нәшриятиниң уйғур редакцияси бөлүмини башқурған.  У «Пәрваз» альманахини өзи қуруп, ахирқи саниғичә өзи башқуруп кәлгән.