TaiEdu4All

ႁဝ်းၶႃႈပဵၼ် ၸုမ်းပူၵ်းပွင် ပၢႆးပၺ်ႇၺႃႇ ၶွင်ႇသီႇဢဝ်ၶိုၼ်းၸိုင်ႈတႆး မီးယိူင်းဢၢၼ်း (5) ၶေႃႈ ၼင်ႇတႂ်ႈၼႆႉ
1. ယိူင်းဢၢၼ်း ပူၵ်းပွင် ပၢႆးပၺ်ႇၺႃႇမိူင်းတႆး ႁႂ်ႈၶိုတ်းၵၢပ်ႈပၢၼ် ၼင်ႇႁိုဝ်ၵူၼ်းမိူင်းတႆး ၵူႈၸၼ်ႉထၢၼ်ႈ တေမီးတိုဝ်ႉတၢင်း ႁဵၼ်းသွၼ်ယိုၼ်းယၢဝ်း (Lifelong Learning) လႄႈ တႃႇၽူႈသူၼ်ၸႂ်ၶႂ်ႈလဵပ်ႈႁဵၼ်း ၸၢင်ႈၶဝ်ႈထိုင်လႆႈ ငဝ်ႈၶၢမ်ႇပိုၼ်ႉ ပၢႆးပၺ်ႇၺႃႇ ၵူႈတီႈ ၵူႈၶၢဝ်းယၢမ်း ၵူႈၵေႃႉ ။
2. ႁႂ်ႈပဵၼ် သုၼ်ၵၢင် လဵပ်ႈႁဵၼ်း လိၵ်ႈလၢႆးတႆး တၢင်း (Online) တွၼ်ႈတႃႇ ၵူၼ်းမိူင်းတႆး ။
3. တႃႇသူၼ်းတုမ် ပူၵ်းပွင် ၵူၼ်းမိူင်းတႆး ႁႂ်ႈၶဝ်ႈထိုင် ငဝ်ႈၶၢမ်ႇပိုၼ်ႉ ပၢႆးပၺ်ႇၺႃႇ လႄႈ ပိုၼ်ႉႁူႉ ပၢႆးႁၼ် ။
4. တႃႇပူၵ်းပွင် ထိင်းသိမ်း လိၵ်ႈလၢႆးတႆး ၊ ၾိင်ႈငႄႈၾိင်ႈထုင်းတႆး ႁႂ်ႈယိုၼ်းယၢဝ်း ပၢၼ်သိုပ်ႇပၢၼ် ။
5. တႃႇပိုၼ်ၽေ လိၵ်ႈလၢႆးတႆး ၊ ပိုၼ်ႉႁူႉပၢႆးႁၼ် လႄႈ ၾိင်ႈငႄႈၾိင်ႈထုင်းတႆး ၸူးၵူၼ်းမိူင်းတႆး လႄႈ ပီႈၼွင်ႉၸၢဝ်းၶိူဝ်း ၸိူဝ်းသူၼ်ၸႂ် ၶႂ်ႈလဵပ်ႈႁဵၼ်း ဢိၵ်ႇပႃး လုၵ်ႈႁဵၼ်း ၼႂ်းႁူင်းႁဵၼ်းၸိူဝ်ႉၸၢတ်ႈ ၊ ႁူင်းႁဵၼ်းလူင်ပွင်ၸိုင်ႈ လႄႈ ႁူင်းႁဵၼ်းတၢင်ႇၸိူဝ်း ဢၼ်ယူႇသဝ်း ၼႂ်းမိူင်းတႆး ၊ မိူင်းႁူမ်ႈတုမ် မိူင်းမၢၼ်ႈ လႄႈ ၼွၵ်ႈမိူင်း မိူၼ်ၵၼ်ၵူႈၵေႃႉ ၵူႈတီႈ ။