SPHULLING THEATRE GROUP

स्फुल्लिंग थिएटर संघाचा उद्देश अन्यायावर आधारित प्रचलित व्यवस्था बदलण्याचा आहे. तसेच कला-साहित्य,नाटक-सिनेमा या क्षेत्रात   बदलाची चळवळ उभी करण्याचा आहे. सगळ्या कलांचा उद्गम समाजातून होतो. कला फक्त कलेसाठी किंवा मनोरंजनासाठीच असते, हा दृष्टीकोन बदलला पाहिजे. ब्रेष्टच्या शब्दात सांगायचं झालं तर असं म्हणता येईल की,"कला ही हतोड्या सारखं काम करते.समाजाला आकार देण्याचं काम करते ".या विचारानेच स्फुल्लिंग नाट्य संघाची आम्ही स्थापना करतोय.या मागे एक विचार आहे. वैज्ञानिक दृष्टीकोन आहे.तो कलाकारांपर्यंत घेऊन जाण्याचं काम स्फुल्लिंग नाट्य संघ करणार आहे. तळागाळातल्या गोरगरीब-कष्टकरी कामगारांपर्यंत कलेसंदर्भातील दृष्टीकोन,विचार आणि स्फुल्लिंगचा उद्देश  पोहचवून त्यांना या कामात सामील करून देखील घ्यायचं आहे. आमचं न्यायप्रिय कलाकारांना-नागरिकांना आवाहन आहे की, तुम्ही देखील आमच्या बरोबर काम करू शकता. त्यासाठी आम्हाला संपर्क करा.ही छोटीसी सुरुवात आहे. आमचं ठाम मत आहे की कोणतं ही काम करण्यासाठी तुमच्याकडे एक विचार असला पाहिजे.अर्थात तो मानवतेला,समाजाला पुढे घेऊन जाणारा असला पाहिजे.तर नक्की संपर्क करा.