Sonder Filter SA

Sonder Filter is ’n eerlike en ongefilterde gesprek tussen vier fotograwe en kreatiewe mense wat die rou realiteit van die fotografiebedryf en die lewe daaragter deel. Die idee het ontstaan uit ’n eenvoudige waarneming: ons almal kry dieselfde vrae, opmerkings en misverstande tydens troues, fotosessies en alledaagse werk. Die gesprekke word aangebied deur Kelly-Jane Arthur, Anja Lamprecht, Shavaune Grobler en Richard Marais. 

Daar is soveel aannames oor wat fotograwe doen, hoe dit werk en hoe “maklik” dit lyk -maar min mense sien die mens, die stories en die realiteit agter die kamera. Met Sonder Filter skep ons ’n ruimte vir eerlike gesprekke, agter-die-skerms insigte, en persoonlike ervarings. 

Hier praat ons rou, eg en sonder filter - oor fotografie, kreatiwiteit, geloof, familie, besigheid en alles tussenin.