Son das Flores

Son das Flores é un proxecto musical, social e pedagóxico que se pon en marcha no CEIP Vicente Risco de Vigo, co impulso da fundación Acción por la Música, e que trata de empregar a música como ferramenta de transformación social e desenvolvemento persoal. Isto se acada a través da creación dunha orquestra co alumnado. A música produce unha mellora na capacidade intelectual, no razoamento lóxico e abstracto e na creatividade. Tamén reforza adquisición de hábitos como son a constancia e a responsabilidade. O traballo en grupo fomenta valores como a tolerancia, o respecto e a empatía.