Sofía Espiñeira

Composicións orixinais con tonalidades de raíz e unha linguaxe propia e xenuina. 
Sofía Espiñeira canta o universal dende o pequeno, transitando polas paisaxes do íntimo, o social e o humor. 

Tras o camiño feito nos escenarios co seu disco debut 'Alá onde agroman as herbas', Sofía inicia a súa segunda viaxe musical: 'Xeografías', un canto ás paisaxes de dentro e fóra da pel, aos territorios que habitamos e nos habitan.

Artista ecléctica e polifacética, vencellada tamén ás disciplinas escénicas do teatro, a danza e o circo.