සිරි සද්ධම්මාලංකාරය Siri Saddhammalankaraya

ආගමක පරමාර්ථයන් හා උතුම් බුද්ධ ධර්මයේ පෙන්වා වදාල පරමාර්ථයන් කිසිඳු අයුරකින් එකට ගැලපෙන්නේ නැත. නිවන් දකින, සං සාර දුකෙන් සදහටම මිදී නිදහස්වන, උතුම් පරමාර්ථයෙන් ඉවත් වී, රජසැප, සිටුසැප, දෙව්සැප, බ‍්‍රහ්ම සැප සම්පත් මතු මතුවටත්, යලි යලිත්, විඳ ගැනීමේ නොතිත් ආසාවෙන් පිංකම් කරන පිරිසක් බිහි වීමට බුද්ධ "ආගම" හේතුවිය. බෝධිසත්ව පෙරුම් පුරමින්, මතු බුදුවන්නට, හෝ මතු බුදුවන බුදුවරුන් සමඟින් නිවන් දකින්නට කල් මරණ ක‍්‍රමවේදයක් හෝ මුල් බුදු දහමේ නිර්දේශකර තිබුනේ ම නැත. නිවන් දැකීමට ප‍්‍රාර්ථනා කිරීම හෝ, නිවන පැතීම හෝ, නිවන් යැදීම හෝ බුද්ධ ධර්මයට සහමුලින්ම විරුද්ධ වූවකි. පිළිවෙත දැන පිළිවෙත් පිරීමම බුද්ධ ධර්මයෙන් කියා දුන් මඟයි. නිවන් දැකීම වර්තමාන මොහොතේම, කල් නොයවාම, කරගත යුතු දෙයක් මිස මතුවට, අවසානයට කල් දැමිය යුතු දෙයක් නොවේ. ”අප්පමාදේන සං පාදේ තබ්බං” යනුවෙන් පෙන්වා දුන් පර්මාර්ථය , අදහන බුද්ධාගමේ දී ගිලිහී ගොස් දේව මිනිස් සැප කෙළවර නිවන් දකින්නට ප‍්‍රාර්ථනා කිරීම, ඒ සඳහා පිංකම් කිරීම දක්වා වෙනස් කර ගත්හ.

 🙏 මහා ප්‍රාඥ සිරි ධම්මාලංකාර මහ අරිහතුන් වහන්සේ