සිරි දැක්ම 

සිරිදැක්ම තුළින්, සැඟව නැවත ඉස්මතු වූ ගොතම බුදු රජාණන් වහන්සේගේ පරම පවිත්‍ර සිරි සද්ධර්මය, නිවන් මඟ හා ඉතිහාසය පිළිබඳ තොරතුරු..සාකච්චා, දේශනා, ප්‍රවෘත්ති හා වාර්තා වැඩසටහන් මඟින් ඉදිරිපත් කරනු ලබයි. මෙය පැවැත්ම තුල මානවයාගේ හා ස්වභාව දහමේ පිරිහීම හා විනාශය ඉතා බහුළ යුගයක දුක් විදින මිනිසාට නිවන් දොර විවර කර දීමට ධර්මතාවයෙන් දහම ඉස්මතු වීමයි. මෙම නාලිකාව මඟින් සිදුවන්නේ ඒ සඳහා අප වගකීම් හා යුතුකම් ඉටු කිරීමයි. පරම පවිත්‍ර සිරි සද්ධර්මය බුදු රජාණන් වහන්සේ විසින් පුබ්බේඅනනුස්සුතේසුධම්මේසු ලෙස විග්‍රහ කොට ඇත. ඒනම් පෙර නොඇසූ විරූ දහමක් ලෙසය. පෙර නොඇසූ විරූ නිසා පරම සත්‍යය යම් අයකුට එකහෙලා වටහාගත නොහැකි වනු ඇත. මෙම නාලිකාව තුලින් උත්සාහ දරන්නේ එම දහම හැකිතාක් සරළව ඉදිරිපත් කොට ලෝක සත්වයා උතුම් වූ පරම නිබ්බාන සුවය අත්පත් කරගැනීමේ මඟට යොමු කිරීමටය. එමෙන්ම ඒ මඟට බාහිර ලෝකයෙන් ඇතිවන බාධා හා ගැහැට පිළිබඳව ඔබ සියළු දෙනා දැනුවත් කිරීමටය.

සියළු සත්වයෝ පරම නිබ්බාන සුවයෙන් සුවපත් වේවා...
පරම සත්‍යය ඉස්මතු කළ මහා ප්‍රාඥණයන් මීවනපලානේ සිරි ධම්මාලංකාර අරහතුන්ගේ පාදනමස්කාරය වේවා!
සුවපත් වේවා!