Shan State Farmers Network

ၵေႃႁူမ်ႈသၢင်ႈၸဝ်ႈႁႆႈၸဝ်ႈၼႃးၸိုင်ႈတႆးၼႆႉ တေႇသူၼ်းတုမ်မႃးမိူဝ်ႈပီၶရိတ်ႉ 2010 တီႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇ မိူင်းႁူမ်ႈတုမ်မျႅၼ်ႇမႃႇ။ ၵေႃႁူမ်ႈသၢင်ႈ ဢမ်ႇၸႂ်ႈ ၸုမ်းႁဵတ်းၵၢၼ်သုၼ်ႇတူဝ် လႄႈပႆၢးမၢၵ်ႈမီးသုၼ်ႇတူဝ်သေ ၵမ်ႉထႅမ်လွင်ႈႁေႉၵင်ႈ သၽႃႇဝၾိင်ႈတိုၼ်း လႄႈ သုၼ်ႇလႆႈသုၼ်ႇပဵၼ်ၵူၼ်းမိူင်းၼႂ်းၸိုင်ႈတႆး။

 ၵေႃႁူမ်ႈသၢင်ႈၸဝ်ႈႁႆႈၸဝ်ႈၼႃးၸိုင်ႈတႆး ယူႇၽႆၢႇၵူၼ်းမိူင်းသေ ၵမ်ႉၸွႆႈထႅမ်ပၼ်ၵူၼ်းမိူင်းၸိူဝ်းဢၼ်ထုၵ်ႇၺႃး ၶူင်းၵၢၼ်ဢၼ်ယႂ်ႇလူင် မိူၼ်ၼင်ႇ ၶူင်းၵၢၼ်ၶုတ်းထၢၼ်ႇႁႄႈၵူႈၸိူဝ်းၸိူဝ်း၊ ၶူင်းၵၢၼ်သၢင်ႈၾႆၢ တႃႇၾႆးၾႃႉသူင်ႇဢွၵ်ႇၼွၵ်ႈမိူင်း၊ ၶူင်းၵၢၼ်ၵေႃႇသၢင်ႈ သဵၼ်တၢင်းယႂ်ႇလူင် ဢၼ်တုမ်ႉတိူဝ်ႉႁုၵ်ႉႁႆၢႉၼိူဝ် ၸဝ်ႈႁႆႈၸဝ်ႈၼႃးလႄႈ ၵူၼ်းမိူင်းပိုၼ်ႉတီႈၸဵမ်ၸိူဝ်းၼႆႉတင်းသဵင်ႈ။ ၵေႃႁူမ်ႈသၢင်ႈၸဝ်ႈႁႆႈၸဝ်ႈၼႃးၸိုင်ႈတႆး မီးယိူင်းဢၢၼ်း  တႃႇႁႂ်ႈၵူၼ်းမိူင်း ၽုၵ်ႇသွမ်ႈလႆႈၼိူဝ်ၼင်လိၼ်လွတ်ႈလွတ်ႈလႅဝ်းလႅဝ်း၊ မီးသုၼ်ႇၵႃႉၶႆၢလွတ်ႈလွတ်ႈလႅဝ်းလႅဝ်း လႄႈ ၵူၼ်းမိူင်းလႄႈၸၢဝ်းၶိူဝ်းဢၼ်ယူႇၼႂ်းပိုၼ်ႉတီႈ တိုၼ်းပဵၼ်ၸဝ်ႈၶွင်တီႈလိၼ်သေ ပဵၼ်ၵူၼ်းတႅပ်းတတ်းၼမ်ႉလိၼ်ႁိၼ်ၽႃၸဝ်ႈၵဝ်ႇႁင်းၵူၺ်းလူၺ်ႈ မီးလွင်ႈႁူမ်ႇလူမ်ႈ။