Samskip hf

Samskip eru alþjóðlegt flutningafyrirtæki sem býður flutningalausnir og tengda þjónustu á landi, sjó og í lofti með hagkvæmni og sjálfbærni að leiðarljósi.

Er félagið eitt af stærri flutningafyrirtækjum í Evrópu með um 560 milljónir evra í veltu á ári og starfsstöðvar í 24 löndum í Evrópu, Norður- og Suður-Ameríku, Asíu og Ástralíu.  Starfsmenn eru um 1.300 talsins um allan heim.

Höfuðstöðvar Samskipa eru í Hollandi og frá stofnun þess á Íslandi árið 1990 hefur það stækkað hratt, bæði vegna innri vaxtar og kaupa á öðrum félögum.

Meginstarfsemi félagsins byggir á gámaflutningum í Evrópu, flutningum á Norður-Atlantshafi, hitastýrðum flutningum um allan heim ásamt flutningsmiðlun og stórflutningum í Evrópu.