මග්ග

සියළු දානයයන්ට වඩා ධර්ම දානය උතුම්ය

මහ පොළෝතලය සමතලා කොට අසුන් පනවා බුදු, පසේ බුදු, මහරහතන් වහන්සේලා වඩා හිඳුවා ප්‍රණීත ම සිවුපසයෙන් පූජා කරනවාටත් වඩා ලෝවාමහාපාය, සුවාසූ දහසක් වෙහෙර විහාර, ජේතවනාරාමය, පූර්වාරාමය වැනි විහාර ගොඩනැගීමටත් වඩා සතර පද ගාථාවකින් තරම් වත් කෙරෙන  ධර්ම දානමය අති උතුම් යයි බුද්ධ වචනය හිස් මුදුනින් පිළිගත් අප මේ ධර්ම දේශනා දාන වශයෙන් පිරිනමනුයේ අසීමිත ශ්‍රද්ධාවෙනි.

මෙම ධර්ම දේශනා වල ඔබ දකිනා දේශකයන් වහන්සේලා අරණ්‍යවාසි භික්ෂූන් වහන්සේලාය.  

මීතිරිගල නිස්සරණ වනය ආරණ්‍ය සේනාසනයේ භාවනා යොගීව වැඩසිටි උන්වහන්සේලා, තායිලන්තයේ අජාන් චා ස්වාමීන්වහන්සේගේ ඉගැන්වීම් ක්‍රමයත්, බුරුම රටේ මහාෂි භාවනා ක්‍රමය සහ පා අවුක් භාවනා ක්‍රම යනාදී නොයෙකුත් භාවනා ක්‍රම සම්බන්ධයෙන් කරන ලද වැඩිපුර පුහුණුවීම් නිසා උන්වහන්සේලා තුළ භාවනාව පිලිබඳ විශාල අවබෝධයක් ඇත.

උන්වහන්සේලා  අටුවා, ටීකා සහිතව  සූත්‍ර විනය සහ අභිධර්මය  පිළිබඳ සුවිශාල අවබෝධයකින් යුතුව  අප කෙරෙහි ඉමහත් අනුකම්පාවෙන් අපිට  ධර්ම කරුණු  කියාදෙයි.