Sealite Mihret Saint Mary EOTC Edmonton

Sealite Mihret Saint Mary Eotc Edmonton
Saint Mary Ethiopian orthodox Tewahdo Church
ሰአሊተ ምህረት ቅድስት ማርያም ኢ/ኦ/ተ/ቤ ⛪️🇪🇹
📍Edmonton,Alberta, Canada 🇨🇦

stmaryeotcedmonton.org


የኤድመንተን ሰዓሊተ ምህረት ቅድስት ማርያም ቤተክርስቲያን ፤ በኤድመንተን እና በአካባቢዋ በሚኖሩ ካህናትና ምዕመናን ሕብረት ታህሳስ 29 2006 ዓ.ም የጌታችንና የመድኃኒታችን የኢየሱስ ክርስቶስ የልደት በዓል በሚከበርበት ዕለት ተመሰረተ ።
ቤተክርስቲያኒቱ ስትመሰረት በወቅቱ ሁለት ካህናትና 35 የሚሆኑ ማኅበረ ምዕመናን ነበሩ ። በወቅቱ አንድ በጎ አድራጊ ምዕመን ለቤተክርስቲያኒቱ የሚያስፈልጓትን ንዋያተ ቅድሳት አሟልተዋል ። በዚያን ጊዜ የራሳችን የሆነ ህንጻ ቤተክርስቲያን ባለመኖሩ በኤድመንተን ከተመ የሚገኙ የተለያዩ አብያተ ክርስቲያናትን በኪራይ እና ከክፍያ ውጪ እየተባበሩን አገልግሎቱ ቀጠለ ።
ከቀን ወደቀንም የምዕመናን ቁጥር እየጨመረ ሄደ ፤ ቤተክርስቲያናችንን እንድናቋቁም ፈቃድ የሰጡን ብፁዕ አባታችን አቡነ ማትያስ በካናዳ የኢትዮጵያ ኦርቶዶክስ ተዋሕዶ ቤተክርስቲያን ሊቀ ጳጳስ በመጋበዝ በጊዜአዊነት የምንጠቀምበት ቤተክርስቲያን ተባረከልን ። ግንቦት 1 ቀን የሚከበረውን የእመቤታችን ቅድስት ድንግል ማርያም በዓለ ልደትን （ግንቦት ልደታ）ታቦት ማንገስ ተጀመረ ። ከዚያን ጊዜ ጀምሮ በዓመት ሁለት ጊዜ ኅዳር 21 እና ግንቦት 1 ቀን ስርዓተ ንግሥ ማክበሩ ቀጠለ ።