Ruta da Sidra da Estrada

A Ruta da Sidra na Estrada lévanos a visitar as parroquias de   A Estrada, Callobre, Moreira, Agar, Pardermarín, Olives e  Ribela. A ruta  ofrécelle a todas aquelas  persoas que  visiten o concello a posibilidade de adentrarse  nun dos recursos  máis tradicionais da contorna mediante visitas a fincas con plantacións de maceiras ecolóxicas de variedades autóctonas, así como a visita a sidrerías e lagares antigos que manteñen as vellas estruturas de pedra e madeira tallada onde se elaboraba antigamente a sidra.

Esta ruta ten a peculiaridade de que pode ser realizada en tres épocas diferentes do ano, tendo en conta o ciclo de produción da sidra: floración das maceiras, maceiras con froito e finalmente elaboración da sidra.