resaca emocional

resaca emocional (aka RSK) non é un grupo ao uso: é un colectivo conformado por artistas do mundo da musica e das artes visuais, mais tamén por un amplo equipo técnico. 
Neste proxecto a comunidade é o elemento clave. Todes suman. É un espazo seguro, no que se aposta pola creatividade e o traballo común desde a diversidade (idade, identidade de xénero, orientación sexual ou condicionamentos mentais, sociais ou de saúde). resaca emocional opta por un son pop, naive e sensíbel con picos do baile e desfase techno. As emocións son o eixo deste colectivo, tal e como se poderá escoitar no seu primeiro traballo -aínda por publicar-, no que exploran sentimentos coma o amor, a amizade ou a paixón en todas as súas formas.
As súas influencias musicais van desde Frank Ocean a Daft Punk, pasando por Gorillaz ou The Weeknd, mais sen obviar nomes como Andrés do Barro, Mahmood ou The Neighbourghood. No eido visual, advírtense referencias a Angela Bacher, Moricky ou Olafur Eliasson.