អានសៀវភៅ ជួយពង្រីកគំនិត

ការអានសៀវភៅ ជារឿងសំខាន់របស់យើងម្នាក់ៗមិនអាចខ្វះបានឡើយ ក៏ព្រោះតែខ្ញុំមើលឃើញមនុស្សភាគច្រើនមិនចូលចិត្តក្នុងការអានសៀវភៅ មិនចំណាយពេលវេលា ទៅបណ្ណាល័យអានសៀវភៅ ឬ ទៅបណ្ណាគារទិញសៀវភៅមកអានសោះ ។ គ្រប់គ្នាយកលុយដែលរកបានទៅបំប៉នតំរូវការហាសូប្រចាំថ្ងៃ ដោយភ្លេចគិតពីការចំណាយមកលើខ្លួនឯង ដើម្បីអភិវឌ្ឍចិត្ត គំនិត ប្រាជ្ញស្មារតី ឈានទៅរកកំរិតថ្មីមួយទៀតនៃជីវិតទេ  ដូច្នេះហើយបានជាខ្ញុំមានគំនិតមួយកើតឡើង បំផុសមនុស្សជាតិក្នុងសង្គមយើងចូលចិត្តអានសៀវភៅ មានពេលកាន់សៀវភៅអានគ្រប់ពេល គ្រប់ទីកន្លែង ។ ខ្ញុំពិតជាចង់ឃើញមនុស្សទាំងចាស់ ក្មេង ប្រុស ស្រី ផ្លាស់ប្តូរពីការកាន់ទូរស័ព្ទ បែរមកកាន់សៀវភៅជំនួសវិញ នេះជាគោលបំណងក្នុងការបង្កើតឆានែលរបស់ខ្ញុំ តាមរយៈការអានសៀវភៅរបស់ខ្ញុំ បណ្តុះគ្រាប់ពូជនៃការអានសៀវភៅ ស្តាប់ការអានសៀវភៅ ទៅដល់មនុស្សទាំងអស់គ្នា ចាប់យកទង្វើល្អៗទៅជាទម្លាប់ ដើម្បីជោគជ័យក្នុងជីវិតយើងម្នាក់ៗ ៕ 
អរគុណសំរាប់ការចូលចិត្តឆានែលរបស់ខ្ញុំ ! សូមព្រះប្រទានពរដល់អ្នកទាំងអស់គ្នា ✝️