Qıy Vaar!

Bəzən satirik, bəzən üsyankar.

2021-ci ildən bəri LGBTQ-feminist gündəminin ardı ilə gedirik. “Sənə danışmaq üçün platforma vermək istəyirik” ideası ilə qurduğumuz platformanın məqsədi LGBTQ+lərin səslərinin təmsil olunacağı mühit yaratmaqdır. Kimliklərimizin rəqəmsal mühitlər vasitəsi ilə də yox sayıldığını görürük. Bu səbəbdən LGBTQ+lərin öz mikrofonunu tutacağı bir kanal qururuq. İlk başladığımız zamanlarda bir podkast verlişi olaraq yayımlanan “Qıy Vaar!” hazırda həm podkast verlişinə davam edir, həm də icmanın informasiyaya çatımlılığını təmin etmək üçün bütün kanallarından istifadə edir.

Adımızı haradan götürmüşük?

Fərqli dövrlərdə və coğrafiyalarda marginallaşdırılan icmalar öz təhlükəsizliklərini qorumaq üçün xüsusi jarqonlar, dolayı yolla, dillər yaradıblar. Biz də adımızı məhz Azərbaycandakı LGBTQ+ və s3ks işçisi icmanın dilindən götürmüşük. “Qıy Vaar”, daha çox müsbət yüklü mənada olub “söhbət var” və ya “hazırda baş verən bir hadisə var” mənasında işlədilə bilər.