Punjabi Point TV

ਪੰਜਾਬ, ਪੰਜਾਬੀ ਤੇ ਪੰਜਾਬੀਅਤ ਨੂੰ ਗੰਭੀਰ ਚਣੌਤੀਆਂ ਦਾ ਸਾਹਮਣਾ ਹੈ। ਇਸ ਵੇਲੇ ਪੰਜਾਬ ਦੀ ਸਾਂਝੀਵਾਲਤਾ, ਭਾਈਚਾਰਕ ਸਾਂਝ, ਲੋਕਾਈ ਨੂੰ ਹਰ ਰੋਜ਼ ਮਹਿੰਗਾਈ, ਬੇਰੁਜ਼ਗਾਰੀ ਸਰਕਾਰੀ ਨੀਤੀਆਂ ਦੇ ਕਾਰਨ ਜ਼ਿੰਦਗੀ ਜਿਉਣ 'ਚ ਆ ਰਹੀਆਂ ਔਖਾਈਆਂ, ਪੰਜਾਬ ਦੇ ਕੁਦਰਤੀ ਸੋਮਿਆਂ ਦਾ ਮੁੱਦਾ, ਪੰਜਾਬੀ ਮਾਂ ਬੋਲੀ ਤੇ ਇਸ ਬਾਰੇ ਫਿਲਾਏ ਜਾ ਰਹੇ ਭਰਮ ਭੁਲੇਖੇ, ਯੁਮਨਾ ਤੋਂ ਅਟਕ ਤੱਕ ਪੰਜਾਬ ਦੀ ਸਾਂਝੀ ਤੇ ਸੋਹਣੀ ਰੂਹ ਨੂੰ ਵੰਡਣ ਦੀ ਕੋਸ਼ਿਸ਼, ਪੰਜਾਬੀ ਨੌਜਵਾਨਾਂ ਨੂੰ ਰੁਜ਼ਗਾਰ ਦੇ ਨਾਂ 'ਤੇ ਮਿਲਦੀਆਂ ਡਾਂਗਾਂ ਤੇ ਪ੍ਰਦੇਸ਼ਾਂ ਦੇ ਧੱਕੇ ਪੰਜਾਬ ਦੇ ਸਾਹਮਣੇ ਪਹਾੜ ਤੋਂ ਵੀ ਵੱਡੀ ਚਣੌਤੀ ਬਣ ਖੜ੍ਹੇ ਹਨ। ਇਨ੍ਹਾਂ ਚਣੌਤੀਆਂ ਦੇ ਬਾਵਜੂਦ ਪੰਜਾਬ ਦੀ ਪੱਤਰਕਾਰੀ ਦਾ ਬਹੁਤਾ ਹਿੱਸਾ ਸਬਜ਼ੀ ਵੇਚਣ ਤੇ ਆਪਣੇ-ਆਪਣੇ ਹਿਸਾਬ ਨਾਲ ਫਿਰਕਿਆਂ ਲਈ ਏਜੰਡਾ ਨੂੰ ਅੱਗੇ ਤੌਰਣ ਕੰਮ 'ਚ ਰੁਝਿਆ ਹੋਇਆ ਹੈ। ਸੋ ਇਸ ਸਭ ਦੇ ਵਿਚਕਾਰ ਪੰਜਾਬੀ Point ਮਹਿਸੂਸ ਕਰਦਾ ਹੈ ਕੇ ਸਬਜ਼ੀ ਮੰਡੀ ਬਣ ਚੁੱਕੀ ਪੰਜਾਬ ਦੀ ਪੱਤਰਕਾਰੀ ਦੇ ਇਸ ਘੁੰਮਣ-ਘੇਰੀ ਵਾਲੇ ਵੇਲੇ ਦੌਰਾਨ ਪੰਜਾਬ ਦੀ ਲੋਕਾਈ ਦੇ ਮੱਦਿਆਂ ਦੀ ਅਵਾਜ਼ ਬਣਿਆ ਜਾਵੇ ਤਾਂ ਲੋਕਾਈ ਨੂੰ ਦਰਪੇਸ਼ ਚਣੌਤੀਆਂ ਨੂੰ ਲੋਕਾਈ ਦੀ ਕਹਿਚਰੀ 'ਚ ਤੇ ਸਰਕਾਰੇ ਦਰਬਾਰੇ ਨਿੱਗਰ, ਨਿਰਪੱਖ ਤੇ ਨਿਰਡਰ ਅਵਾਜ਼ ਨਾਲ ਰੱਖਿਆ ਜਾ ਸਕੇ। ਉਮੀਦ ਹੈ ਕਿ ਪੰਜਾਬੀ ਸਾਨੂੰ ਆਪਣਾ ਸਹਿਯੋਗ ਜ਼ਰੂਰ ਦੇਣਗੇ। ਚੈਨਲ 'ਤੇ ਆਪਣੀ ਟਿੱਪਣੀ ਕਰਨ ਲੱਗੇ ਸਭਿਅਕ ਬੋਲੀ ਦੀ ਵਰਤੋਂ ਕਰੋਗੇ।