Players of World 🥰

Cricket duniya ka ek mashhoor aur pasandeeda khel hai. Ye game sab se pehle England mein shuru hua, lekin aaj ye Pakistan, India, Australia, England, South Africa aur kai aur mulkon mein bohot shoq se khela jata hai. Cricket sirf ek khel nahi balkay ek jazba hai, jo logon ko jor kar rakhta hai.
Cricket do teams ke darmiyan khela jata hai, aur har team mein 11 khilari hotay hain. Is game ke bunyadi kirdar batsman, bowler, aur fielder hotay hain. Batsman runs banata hai, bowler ball karta hai aur fielder ball pakar kar runs rokta hai. Match ek gol maidan par khela jata hai jahan beech mein pitch hoti hai.
Cricket ke mukhtalif formats hotay hain jaise Test Match, One Day International (ODI) aur T20. Test match paanch din tak chalta hai aur isay cricket ka sab se mushkil aur purana format mana jata hai. ODI 50 overs ka hota hai jab ke T20 sirf 20 overs par mushtamil hota hai jo zyada tez aur dilchasp hota hai.