Pinarayi Peruma

കേരളത്തിലെ കണ്ണൂർ ജില്ലയിൽ മൂന്നു ഭാഗവും പുഴകളാൽ ചുറ്റപ്പെട്ട മനോഹരമായ ഗ്രാമമാണ് പിണറായി .
ഒരു നാടിന്റെ ഉത്സവമായി മാറിയ പിണറായി പെരുമ. പതിനാലു ദിനരാത്രങ്ങളിലായി നൃത്തത്തിന്റെയും സംഗീതത്തിന്റെയും ഒക്കെ വർണ്ണ പ്രപഞ്ചമൊരുക്കി നൂറു കണക്കിന് കലാകാരൻമാർ അണിനിരക്കുകയാണ് പിണറായി പെരുമയിൽ .
കേരളത്തിലെ കണ്ണൂർ ജില്ലയിൽ മൂന്നു ഭാഗവും പുഴകളാൽ ചുറ്റപ്പെട്ട മനോഹരമായ ഗ്രാമമാണ് പിണറായി . കേരള മുഖ്യമന്ത്രി സഖാവ് പിണറായി വിജയന്റെ ജന്മദേശം കൂടിയാണ് ഇവിടം..
ഒരു ഗ്രാമത്തിന്റെ പേരെന്നതിലുപരി കേരളത്തിന്റെ അമരക്കാരന്റെ പേരെന്നതിലാവണം പിണറായി ഇപ്പോൾ അറിയപ്പെടുന്നത് ..പിണറായിക്ക് വറ്റാത്ത ചരിത്രത്തിന്റെ ആഴമുണ്ട് പറയാൻ .. രാഷ്ട്രീയത്തിനപ്പുറം ഒരു നാടിന്റെ വളർച്ചയെകുറിച്ച് പറയുമ്പോൾ പിണറായിയിലെ സഹകരണ പ്രസ്ഥാനങ്ങളെക്കുറിച്ചു പറയാതെ വയ്യ . കേരളത്തിന്റെ സഹകരണ ഗ്രാമമെന്നാണ് പിണറായി അറിയപ്പെടുന്നത് ..ഇന്ന് കേരളത്തിൽ ഇത്രയേറെ സഹകരണ പ്രസ്ഥാനങ്ങളുള്ള ഒരു നാടുണ്ടാവില്ല. കേരളത്തിനെന്നല്ല ഇന്ത്യക്ക് തന്നെ മാതൃകയാവുന്ന പ്രവർത്തനങ്ങൾ നടന്നതും നടക്കുന്നതുമായ സ്ഥലം.