Peerzada Syed Shamsuddin Official

جناب پیرزادہ علامہ سید شمس الدین موسوی صاحب خاندان پیریت کے چشم چراغ اور پیر حاضر حضرت سید محمد شاہ نورانی مدظلہ کے فرزند ہیں۔ آپ کی والدہ ماجدہ مشہور و معروف عالم دین مفتی نوربخشیہ علامہ سید علی شاہ مرحوم گلشن کبیری کی صاحب زادی اور عالمہ و فاضلہ خاتون ہیں ۔
سید شمس الدین کی ولادت بارہ جون 1978ء کو کریس بلتستان ضلع گانچھے میں ہوئی۔ آپ نے دنیاوی تعلیم کی ابتداء ہائی سکول خپلو بالا سے کی ساتھ ہی قرآن مجید ناظرہ اور دعوا ت صوفیہ امامیہ اپنے گھر سے پڑھے۔
آپ نے انٹر میڈیٹ تک کی تعلیم بلتستان ہی میں حاصل کرنے کے بعد مزید دینی اور دنیوی تعلیم کے حصول کے لئے شہرکراچی کا سفر کیا اور یہاں جامعہ اسلامیہ صوفیہ امامیہ ٹرسٹ رجسٹرڈ کراچی میں داخلہ لے کر باقاعدہ دینی تعلیم کا آغاز کیا۔ اس جامعہ میں علامہ شیخ سکندر حسین انیس اور علامہ شیخ محمد محسن اشراقی اور دیگر اساتذہ سے کسب فیض کیا۔