Nuhi Bytyci

Nuhi Bytyçi është gazetar i karrierës, me përvojë rreth 50 vjeçare. Ai është shquar në vazhdimësi për guximin dhe origjinalitetin e tij.
Duke qenë gazetar dhe redaktor në Televizionin e Prishtinës (TVP), bashkë me disa kolegë të tij gjatë fundviteve të tetëdhjeta me emisionet e tyre televizive arrijnë ta thyejnë censurën e rëndë në këtë medium.
Gjatë periudhës së luftës në Kosovë në vitet 1998-1999, me profesionalizëm ka udhëhequr ekipin televiziv në zonat e luftës, duke prezantuar në Televizionin Shqiptar (TVSH) dhe në televizionet me renome botërore BBC, CNN, AP, Euronews e media tjera rezistencën e UÇK-së, por edhe dramën e popullatës civile shqiptare dhe masakrat e forcave serbe.
Pas luftës, Nuhi Bytyci bashkë me ekipin tij ka realizuar shumë filma dokumentarë. Ka botuar memoaret e tij me titull "LIBRI I LUFTËS".
Nuhi Bytyçi jeton në Prishtinë.
Është lindur më 17.08.1955 në Shkozë të Malishevës.
Ka mbaruar studimet e Masterit në Gazetari dhe Komunikim me publikun.