nivenamaga

බුදු ඇසුන් දුටු පරිදි ම, මානව සමාජය අදත් නෙළුම් විලක් වැනි ය. ගොහොරු මඬේ ම පවතින නෙළුම් මල් තිබේ. මඩෙන් උඩට අවුත් ජලයේ පවතින මල් ද තිබේ. ජලයෙන් ද උඩට අවුත් පිපීමට සුදුසුකම් ඇති මල් ද තිබේ. හිරු එළිය වැටුණොත් ඒ මල් පිපීම හේතු-ඵල දහම යි. දහමින් විකසිත වන්නට සුදුසුකම් ඇති පින්වත් සැමට සදහම් කිරණක් වෙන්න යි මේ උත්සාහය. මනුෂ්‍ය ජීවිතයක් ලබා ඇති අප පසිඳුරන් හා මනස ද විකෘති නොවී සිටින උතුම් මනුෂ්‍යයින් ය. අපි බුද්ධෝත්පාද කාලයක ද ඉපිද සිටිමු. එසේම නිර්මල තථාගත ධර්මය ද පවතින සමයකි මේ.  ධර්ම මාර්ගයේ යන්නට, සදහම් පුහුණුවට අවශ්‍ය නිසි මග පෙන්විය හැකි කල්‍යාණමිත්‍රයින් ද අප අතර සිටී. ගෞරවනීය කහගල සාරානන්ද ස්වාමීන් වහන්සේ එවැනි කල්‍යාණ මිත්‍ර ස්වාමීන් වහන්සේ නමකි. කොස්ගොඩ සදහම් මැදුර සදහම් පුහුණු ආයතනය මූලික කරගෙන ලංකාව පුරා සදහම් පුහුණු වැඩසටහන් පවත්වමින් ඒ කල්‍යාණ මිත්‍රත්වය උන්වහන්සේ අප වෙත ලබා දෙයි. උන්වහන්සේගේ දේශනා භාවනා පුහුණු උපදෙස් මෙහි ඇතුළත් ය.  එයින් උන්වහන්සේගේ කල්‍යාණමිත්‍රත්වය හඳුනාගනු මැනවි.  ගෞරවනීය ස්වාමින් වහන්සේ ඇමතීමට 94 -718086181   චාමේන් කරුණාතිලක 001- 416-625-7544