Nanina Ensemble

ქალთა ფოლკლორული ანსამბლი „ნანინა“ 2004 წელს ჩამოყალიბდა. მისი ხელმძღვანელი ეთნომუსიკოლოგი თეა კასაბურია.„ ნანინას“ წევრთა უმეტესობა პროფესიით ეთნომუსიკოლოგია, სხვადასხვა სკოლებსა და სტუდიებში ასწავლიან ხალხურ სიმღერებსა და საგალობლებს.
„ნანინა“ ქართველ ქალთა ტრადიციულ სიმღერებს ასრულებს, ასევე იმ სიმღერებსაც, რომელთაც ყოფაში მკაცრად განსაზღვრული ადგილი არა აქვთ; მათ შორის თითქმის მივიწყებულ ვარიანტებს, რომელთაც ანსამბლმა ახალი სიცოცხლე მიანიჭა.
ანსამბლის მთავარი მიზანია ხალხური საშემსრულებლო მანერისა და ფორმის დაცვა. „ნანინას“ წევრები უკრავენ ხალხურ საკრავებზეც.
ანსამბლს ერთი აუდიოალბომი აქვს გამოცემული.