Nallavai Nadi /நல்லவை நாடி

அன்பான சகோதர சகோதரிகளுக்கு வணக்கம், 
               நல்லவை நாடி என்ற அமைப்பானது சமுதாய மேம்பாட்டிற்காகவும்,   சுய முன்னேற்றத்திற்காகவும்,  தன்னுடைய ஒத்துழைப்பை வழங்கும் விதமாக பல்வேறு சேவைகளில் தன்னை ஈடுபடுத்திக் கொள்ளவும் ஒரு களமாக ஏற்படுத்தப்பட்டுள்ளது. 
                மாணவர்களுக்கு தேவையான வழிகாட்டுதல்களும்,  ஆன்மீகம் தொடர்பான  கருத்துக்களும்,  சமூகம் சார்ந்த சேவைக்கான செயல்பாடுகளும் இங்கே பதிவேற்றம் செய்யப்படும். இறைவனுடைய பார்வையில் முழுமனதோடு செய்யக்கூடிய எந்த ஒரு சிறிய உதவியும் மிகப் பெரிய சேவையாக மட்டுமே பார்க்கப்படும் என்பதை நினைவில் கொள்வோம்  
            நம்மால் இயன்றவரை இயற்கைக்கும் சமுதாயத்திற்கும் உறுதுணையாக இருப்போம். இறைவன் நமக்கு  வழங்கிய , ஒவ்வொருவருடைய  நற்குணங்களை அனைவருக்கும்  பகிர்ந்தளித்து மகிழ்ச்சி அடைவோம். 
          பணத்தால் சாதிக்க முடியாத காரியத்தையும், மனம் இணங்கி பழகியவரால் செய்து முடிக்க இயலும். இதுவும் மனித மனங்களை இணைக்கும் பாலமாக விளங்கிட வழிவகை செய்வோம்.   உங்களது கரங்களுக்காக  காத்திருக்கிறோம்...
நல்வாழ்த்துக்கள். 
மிக்க நன்றி.