Asociación de Mulleres Rurais A Arracada

A Arracada é unha organización de natureza asociativa, sen ánimo de lucro, que está composta por mulleres rurais do concello de Vilar de Santos (Ourense, Galicia). O noso principal obxectivo é loitar pola igualdade de xénero e promover o empoderamento feminino dende o rural, así como contribuír á mellora da calidade de vida das persoas que o habitan. 
Dentro da nosa asociación, que está composta por mais de 50 mulleres, levamos a cabo proxectos moi diversos como son a realización de diferentes actividades manuais, actividades culturais e de ocio, actividades interxeracionais, entre moitas outras. A maiores, colaboramos con diferentes institucións locais e tentamos implementar proxectos que contribúan ao desenvolvemento comunitario e á divulgación e conservación do noso patrimonio cultural.