পুঁথি পাঠ [ꠙꠥꠕꠤ ꠙꠒꠣ]

চর্যাপদ ২২
সরহপা
ছিলটি তরজমা - মোক্তার আহমদ 
-------------------------------------------------
মিছামিছি কেনে লুকে দুনিয়ার মুক্তি চায়।
মিছারে তুকাইলে কি আর লাগাল পাওয়া যায়।।

আমরা যারা জুগি ,ভবর জানি কতখান।
জনম-মরন-সাধন-ভজন তার সমাধান।।

মরমু আমি একই লাখান যেলান জনম নিছি।
তার মাঝে যে তফাত কিতা কারে গিয়া পুছি।।
মরন লইয়া জনম যেবলা দুই জনাতে জুড়ি।
রস-রসায়ন পড়ল আইয়া শুইন্ন থাকি উড়ি।।
শিশু থনে জুয়ান অইলাম, জুয়ান থনে বুড়া।
'অজরামর' অইলায় কিলা বুঝাও মরে থুড়া।।
জন্মিলে নি কর্ম লেখা, না কর্ম গুনে জনম।
সরহে কইন, মশকিলর মাত বুঝিনা অধম।।