محمد الفودري | فرصة منتصف العمر

أزمة منتصف العمر ولا فرصة منتصف العمر؟

أنا محمد. عمري 37، مهندس بدوام كامل، وأب. وقاعد أبني قناة يوتيوب
وتطبيقات بالـ AI بالوقت اللي يبقى لي بعد الدوام وبعد ما ينامون العيال.

هني بتشوف:
· بناء تطبيقات بالـ AI من غير خلفية برمجة، خطوة خطوة
· أرقام القناة الحقيقية، حتى لما تكون سيئة
· رحلتي لتحسين صحتي وأنقص وزني وأنا موظف وأب
· الوقت: ساعات معدودة بعد الدوام، وشنو نقدر نسوي فيهم

ما أدعي إني خبير. أنا قاعد أجرب وأوثق. والأرقام كلها أرقامي أنا، ومعاها دليل على الشاشة.

إذا إنت موظف عربي فوق الثلاثين وتحس إن الوقت قاعد يفوتك: خلك معاي.