Miraj Vidyarthi Sangh

ज्ञानप्रसार करून जनतेच्या बौद्धिक, मानसिक व सांस्कृतिक विकासास साहाय्य करणे हा ह्या संस्थेचा उद्देश आहे. केवळ शाळा महाविद्यालयांतील विद्यार्थ्यांचाच नव्हे, तर सर्व ज्ञानेच्छूंचा जातिधर्म-निरपेक्षपणे तिच्यात समावेश होत गेला. जो-जो ज्ञानार्थी तो-तो विद्यार्थी ही संस्थेच्या नावामागील भूमिका
आहे

" मिरज विद्यार्थी संघ ही महाराष्ट्रातील साहित्यिक व वक्ते यांची आवडती संस्था आहे. कै. खांडेकर आणि अत्रे यांच्यापासून नानासाहेब गोरे यांच्यापर्यंत अनेकांनी ही संस्था आपली मानली आहे. मीही माझी संस्था म्हणूनच तिच्याकडे पाहतो. महाराष्ट्रात सातत्य व दर्जा यासाठी ज्या वसंत व्याख्यानमाला प्रसिद्ध आहेत त्यांत सर्वोत्कृष्ट ही."

महाराष्ट्राचे ख्यातनाम विचारवंत, साहित्यिक व वक्ते कै. प्राचार्य नरहर कुरूंदकर यांनी वरील शब्दांत ह्या संस्थेविषयी जिव्हाळा व्यक्त केला आहे. अशी ही मिरज विद्यार्थी संघ ही संस्था सन १९१९ पासून समाज प्रबोधनाचे कार्य अव्याहतपणे करीत आहे.