መርሶ ሕይወት Merso Hiwet

መርሶ ሕይወት 
          ወሓዝቲ ማዕበላት ካባና ዘህዳእካ። ካብ ጥፋኣት ፡ ወደብ ሕይወት ዝኾንካና ንስኻ ኢኻ። ናብ'ቲ ናይ ዘለዓለም ተስፋ ምድኃን ዘለዋ ጸግዒ'ውን መጉየይ ዝኾንካና ንሰኻ ኢኻ። 

         ብኤርትራ ኦርቶዶክስ ተዋህዶ ቤተክርስቲያን ንኡስ ሃገረ ስብከት ሽወደን ክፍሊ ሚድያ እትውነን ወግዓዊት መርበብ ሓበሬታ እያ። እዛ መንፈሳዊት መርበብ ሓበሬታ ቅዱሳን ሓውርያት ንዝመሓሩና ቃል እግዚኣብሔር ኣብ ኹሉ ምእንታን ክባጻሕ። ነቲ ሓዋርያዊ ትምህርትን ሃይማኖትን ፡ ሥርዓትን ስብከት ወንጌልን ፡ ጥንታዊ ሃብትን ገድሊ ቅዱሳንን ኸምኡ'ውን ደሃይ ገዳማትን እዋናዊ ዜናታት ሃገርናን ንነብረሉ ዘለና ንኡስ ሃገረ ስብከትን ••••••••• ብሓፈሻ ናይ ኤርትራ ኦርቶዶክስ ተዋሕዶ ቤተክርስቲያን ሓዋርያዊ ንጥፈታትን ኣገልግሎትን ብምስልን ድምጽን ንከታተለሉ ናይ ሓበሬታ መርበብ እዮ። ኹላትና ነዛ ሓዋርያዊት ቤተክርስቲያን ሓዋርያዊ ትውፊታን ኣስተምህሮኣ ዓቂብና ንውሉድ ወለዶ ኸነሰጋግር ክርስቲያናዊ ግቡእና ከነበርክት ግዴታና እዮሞ። መርሶ ሕይወት ክትስጉም ክትዕምብብ ሓዋርያዊ ኣገልግሎት ቤተክርስቲያንና ክቃናዕ ነፍስ ወከፍ ምእመን እጃሙ ኸበርክት ትጽቢትና ልዑል እዩ።  

         ይትባረክ ኣምላከ ኣበዊነ።
ስብሃት ለእግዚኣብሄር፡
ወለወላዲቱ ድንግል፡
ወለመስቀሉ ክቡር።