Medien erliewen-Mediafactory 

Bei den Aktivitéite vu „Medien erliewen“ tauchen d’Kanner an d’Jugendlecher an d’Welt vum Film an der Fotografi e an. 

Mat Hëllef vun techneschen Accessoiren (ewéi iPaden, Stativer, Luuchten, Mikroen, Greenscreen etc.) an ënnerschiddleche Kulisse kënne si hier Kreativitéit ausliewen an hir Iddien ëmsetzen.

D’Gestaltung vun eegenen audio-visuelle Medienproduiten ass de roude Fuedem vun all Aktivitéit.

Esou léieren si net nëmme verschidden Technike kennen, mee kréien och en Abléck an déi verschidden Aufgaben- a Verantwortungsberäischer vu Schauspiller, Regisseuren, Kameratechniker oder Journalisten. Un den eenzelen Etappe vun de Medienproduktiounen huelen si aktiv deel! 

Eis Missioune sinn op enger Säit d’Léieren an d’Produzéiere vun a mat de Medien (wéi huelen ech eppes op a wat huelen ech op?) an op enger anerer Säit d’Léieren iwwert d’Medie fir se esou kritesch ze hannerfroen.