Baloglan Esrefov 

Baloğlan Əşrəfov 8 oktyabr 1951-ci ildə Masallı rayonunun Bədəlan kəndində anadan olmuşdur. Orta məktəbi bitirməklə yanaşı tar ixtisası üzrə musiqi təhsili almışdır. 1971-ci ildə "Turac təranələri" radio olimpiadasının, 1974-cü ildə isə Ümumittifaq Zəhmətkeşlərin və Gənclərin Festivalının qalibi olmuşdur. 1978-ci ildə Azərbaycan Dövlət Universitetinin filologiya fakültəsini bitirmiş, bir müddət müəllim işləmişdir. 1979–1983-cü illərdə Azərbaycan Dövlət Filarmoniyasında solo konsert proqramları ilə çıxış etmiş, sonralar İslam Rzayevin ansamblında fəaliyyət göstərmişdir. 1989-cu ildə "Şəhriyar" ansamblını yaratmış, ölkə daxilində və xaricdə çoxsaylı konsertlər vermişdir. Mahnılarının əksəriyyətinin musiqisini özü bəstələmiş, bir sıra mahnılarının sözlərini də yazmışdır. 2008–2013-cü illərdə Dövlət Muğam Teatrının solisti olmuş, 26 aprel 2021-ci ildə vəfat etmişdir.